حوش اللي وقع منك

كابت كابتن .. انت معفن
ايوة انت ياللي لسه رامي الكانز من شوباك الميكروباز انت .. ايوة انت مفيش غيرك متبص حواليك
وانتي ياللي رميتي كيس الشبسي بعد ما ابنك خلصه من شوباك المترو
وانت ياللي خلصت الماك وكلت  الصانداي ورميت الكيس ف الشارع
وانتي ياللي كلتي الشكولاته واستخسرتي تحركي رجلك خطوتين تلاته لآي سله قمامة ترميها فيها
انتم متفاجئين ليه
انت معفنين
دي حقيقه مش هدخلكوا دخله فلسفيه وأقولكم الشارع والبيئه والنضافه من الايمان عيب اوي نبقى ف 2013 ولسه بنتكلم
ف الآرشادات اللي على ضهر كتاب " لغتنا الجميلة " .. كُنك مخدتش بالك منها اصلا دي نصيبة
بس مش مهم أنا هقولكم حاجة تانيه خالص ..
تخيل انك ف عالم موازي وان باباك راجل على قد حاله او امك الحاجة الطيبة ست مش مقتدرة وأجبرتهم الظروف
يشتغلوا عمال نضافه ف الشارع .مع احترمنا الكامل للمهنة طبعا
وتخيل ان في عيل جميل بخدود ماشي ف الشارع  ياكل ويرمي وابوك يشيل ويوطي ينضف
وامك تلف وراهم تنضف .. ايه رأيك مبسوط ؟!!! ترضهالهم
يعني مش كفايه انهم تعبانين ف تنضيف الشارع من التغيرات البيئيه بتاعه ربنا تراب وورق شجر وكياس من هنا لهنا
لآ يلموا زبالتك انت كمان
كابتن كابتن عارف انك ممكن تشل الزباله ف شنطتك لحد ما تروح او لحد ما تلاقي سله مهملات
طب عارف انك ممكن تشيل زباله اكلك ف عربيتك لحد ما تلاقي صندوق مكتوب عليه زباله !
طيب تيجي نجرب لو لاقينا حد بيرمي حاجة ف الشارع بمنتهي الرقه والشياطة نوطي نديهاله ونقوله حوش اللي وقع منك
حوشي اللي وقع من أبنك يا مدام ..هتتحرج مرة وهتتشتم ف التانيه بس ادينا بنجرب يمكن الناس تفهم
ان لو الزباله بتترمي ف نفس المكان اللي أحنا بنمشي فيه ..يبقى أحنا كمان زباله

عارف  انت الشعور السخيف الخفيف دة اللي بينزل عليك زي القضا المستعجل
اللي بيقلب معدتك لحقل فرشات ترمح فيه أول ما تشوفها او تشوفيه
احساسك بعدم التوازن  انك  تايه وسط الناس كدة ومش لاقي ع الارض مكانك
متلصم بالعافيه ويجوا شويه هوا وهي معدية يطيروك ويعلوا أحلامك
لم تبقى واقف قدام اللبن ومركز جدا فايفور قدامك ولم تيجي الست الوالده تزعق تسمع كلامها  عصافير بتزقزق
لحد ما الشبشب يعلم على وش جنابك ف ساعتها توفق من أوهامك
المشاعر المتلخبطة دي اللي مبتخترهاش ولا بتختار توجهها لمين
كله بيتزرع جواك وانت ولا واخد بالك فأول لقاء بين عنيكم
             المحبة
المحبة المباغته اللي بتحطك ف حالة نشوة وبتخليك مصدق انك قادر تطير تقفش نجوم السما وتجبهلها ف كيسه سمرا
ياللي امك كان لسانها بيتدلدل عشان تجبلها كيس ملح م البقال ومفيش فايدة
المحبة اللي بتغيرك بالتدريج من غير ما تاخد بالك بتقلب العالم رأسا على عقب وبتديك حبوب شجاعة
المحبة اللي ف بدايتها ف ريعنها بتملي ايامك , أحلامك . عيونك نور
قبل ما تقول وقبل ما تعترف بالمكنون
وقبل ما يعرف النكد و الملل طريقه للدخول

سوبرإنسان

انت .. ايوة انت ياللي لقَفت المجلة وبتقرأ كلامي ..

نَاهيك عن الشرف اللي نولته بقرأه مقالتي كالفيرست ليدي بتاعة ألقُف , انت سوبرمان

مش بعاكسك ومصحف ربنا ..اسمع مني بس ,
 انت سوبر مان  قولي ليه ..قولتلي ليه استني اخلص السنداوتش دة بس واقولك ليه ,

انت قررت يا صديقي ترشق بدماغك ف تجربة جديدة مسمعتش عنها قبل كدة وقررت تلقُف أفكارنا المتوضعة جدا 
وتعملها قيمة عدم الامؤخذة وتقرا كلامنا وتهتم بينا ..

وهو يعني سوبرمان كان بيعمل ايه أكتر من انه بيشم المغامرات والتجارب الجديدة ويرشق فيها بدماغه من غير ما يخاف م النار تلسعه ولا  م الغاز يخنقة, 

وانت قررت تفتح ألقُف وتقرا أفكار الشباب اللي زيك من غير ما تخاف من ملل يصيبك ولا وقتك يضيع ع الفاضي
ولا تستسهل وتاخد المجلة تطلع عليها لامؤخذه .. بتشينجان

سوبرمان مش بس عشان قررت تلقُف " ألقُف " لا طبعا ..عشان اي حد ف الكوكب دة ممكن يبقى بسهولة جدا سوبرمان

و مش عشان الآسكيني الاشترشت الاحمر موضة الشباب دلوقتي لآ خالص ..اقولك سر ف ودنك " سوبرمان مش بلبسه اصلا"

ومش عشان سوبرمان لهطة قشطة ولا عشان هو أحسن مننا ..هو بس صدق وأمِن ..اعمل زيه

صدق انك قادر تطير قادر تعدي اسوار السجن الكبير قادر تكون انت مش حد تاني

امشي عكس الناس لو مقتنع إن دة طريقك ..طير عكس التيار لو حاسس,  الهوا مش هيموتك هيقّوي جذورك

لو لقيت نفسك قادر تكون مختلف وبس

قادر تعمل خير من غير ماتستني مقابل قادر تشجع افكار جديدة تشارك فيها تغير الكوكب إن شا الله تخليه " مربع "

قادر تتنفس حريه تحب بحريه تُبدع وتطلع إبدعاتك للناس بجرأة ...

سوبرمان جرئ طيب شجاع خلاّق ذكي ولماح ..سوبرمان ف الاول والآخر مجرد إنسان

خليك ديمـــا سوبرإنسان

لم تبدأ بعد..

   انها القصة ذات الاحداث الدرامية التي لم تبدأ بعد , هي تحب وهو ايضا , هي تتألم وهو ايضا , يَنُم لقائهما دوما عن ضعف حيلته وهوانه .. وهي ايضا   
 كانت لتكون الآحداث شيقة مثيرة تقشعر لها قلوب الفتيات وتتساقط قلوب الفتيان من الصدور لولا أن  أختارت الآيام ان تُنهيا بشكل درامي قليل الآحداث .. قررت الكاتبة وحدها ان تُسدل الستار وتُعلن النهاية لقصة لم تبدأ أبدا في ساعة من الساعات   
    قبل ان تبدأ الكتابة جَلست في شُرفتها الزرقاء حيث فنجان قهوتها الكبير الكثيف , وضعت الكوب بجانب الآوراق وبدأت تخُط بقلمها الاسود بعض اللحظات التي جمعتهما معا , فقررت القهوة من تلقاء نفسها ان تُمحي تلك اللحظات من القصة وانت تظل الحكاية صماء ان تُمحي اللحظات السعيدة الحمقاء وغيرت مجرى الحكايات 
   أزاحت الآوراق وبقلم جديد جلست تَسطُر حروف القصة من الألف إلى الياء ولم تُلقي ضَوء على مشاعر الدفئ التي جمعتهما في تلك الشوارع القاسية المليئة بالخواء , ولم تكتُب عن بُكائها للياليِ طوال امام صورته ف العوالم الآفتراضية الخرساء , ولم تتحدث قَط عن أوقات جلس يرجوها في صمت بعينيه الاتي تعشقها حتى البكاء ان تبقى إلى جواره ان تدعمه وتعطيه الحب الذي من أجله يقاوم ويحى ويتعلم منها معنى العطاء , لم تذكُر حينما وجَب الذكر انه كان غيور عَصبي المزاج فكان يغضب منها وعليها إن إقتربت من الورود وإن داعبت أناملها حيوان أليف ما .. فهو اناني في حُبها يريدها لنفسه دون الوجود ..   
 لم تريد ان تتعاطف معهم فلم تكتب انها قصه مُلتهبة الآركان , ولم تذكُر تفاصيل لحظة الفراق , ولم يكن لها الحق في انت تقول فرقتهما الآيام .   
لم تكتب عن معاناتها مع النسيان , ولم تكتب حلقات الذكر وقرأه القرأن وسماع الآغاني التي كانت تَذكرها بعينيه ويديه ولمساته  فاتستجلب لها المزيد من الآحزان
لم تحكي عن قلبه المحطم وعن شظايا نفسه المنتشره بين مجرات الآكوان .. ولم تكتب من قصتهما ما كانت تريد ان تجعلك انت تراه بل ازاحت التفاصيل والمشاعر جانبا
 وقررت الكتابه في سطور قليله لم تحمل اسميهما معا ..
وقفت اما شُرفتها تتأمل الأمطار وتذكرت يوم الفراق , نفسٌ عميق سحبته وانطلق زفير حتى البكاء وقالت قصتها في سطر واحد 
   * كانت القصة لم تبدأ بعد عندما كتبت نهايتها الآيام  ....*

خاطرة

تقريبا انا اغتصبت حقي مش حقي ..وتقريبا مكنش من حقي ان دة يبقي حقي فانا بعتذر إذا كنت حلمت والحلم مش حقي .

منفسكش مرة تجرب الحرية ؟!

عُمرك جربت تبقى حـُـــر..

تبقى حُر ف عُنفوانك تبقى حُر حتى تبكى حتى تفرح حتى تقتل بأيديك الصغيرة أحزانك

حُر ف سلامك وف حروبك ,  ف إختيارك وف كلامك

جربت تبقى حر فمتشربهاش متقربلهاش عشان دي قمة الحرية ..

انك تبطل تحب حد أكتر من نفسك عشان متبقاش عبده فيقضى على حبة الحرية

عمرك جربت تطير فتكسر حاجز الجاذبية اللي انت صنعتها لنفسك اصل الجاذبية ف الحقيقة وهمية ,

طب عمرك جربت تشوف الحرية فعيون الناس قدام نافورة , لما يشوفه الماية ويتصوروا جنبها كام صورة ماهي برضه حرية .

ولا تجري ف شارع ضلمة من حرامي لحد ما يقطع نفسك ولا تسلموش جيبك ولا رقبتك ودي برضه حرية .

عُمرك نزلت من بُرجك العالي اللي كل سلالمه إنجازاتك الضخمة اللي هتجبلك التُخمة وغرورك اللي معَــلّي بُنيانك

وشقى عُمرك اللي عشانه بقيت عبد للساعة .

طب جربت تنشر الفكرة اللي بتقول أن في بكرة وبكرة دة في أمل وان انت متفائل دي قمة الحرية .

وان انت حُر ما لم تضُــر ولو ضَريت ماهي برضه حُرية

ضَريت نفسك وأذيتها وأنبتها وعاتبتها على فعل يوم عملته كان ف اساسه عبودية .

أنت بس اللي بتتحكم وانت بس اللي بتقرر انك تعرف الحرية ..

طب بذمتك و أيمانك ..منفسكش ولو لمرة تجرب الحرية ؟!